Mihi

E tapu te rangi ruanuku

Kia rere mai te maramara

Kua piri, kua tau

Kia rere mai te kongakonga

Kua piri, kua tau

Torotika e!

Ngā mihi nui ki a koutou – ngā iwi, ngā hapū, ngā mana kārangaranga maha - i whakaae mai ki te kōrero mai ki a mātou. Kua whakakīngia ā mātou kete ki ngā kōrero, ki ngā whakaaro i whakatakotoria, ā, ki ngā mahere rautaki kua kitea e mātou.

Ki a koutou katoa e para nei i te huarahi ki roto i ngā mahi tiaki i te taiao, kia kaha, kia māia. Whāia te huarahi tika kia tutuki pai ai ngā wawata, ngā moemoeā.

Kia mau pūmau ki ngā tikanga, ngā kaupapa, ngā taonga kua tuku iho mai i ō tātou mātua tūpuna. Kia tiakina tonutia a Papatuanuku me āna tamariki, kia āraia ō tātou wāhi tapu, kia kore ai e tūkinotia. Kia riro mai anō i a tātou tō tātou mana, rangatiratanga, ki runga i ō tātou rawa, ngā awa, ngā maunga, ngā whenua.

Nā mātou iti nei

Nā

Richard Jefferies

Vaughan Payne

Jascoe Ngaia