Te Whanganui-a-Tara: He $3 miriona nā te Tahua Pūtea Taiao mā te Hapori ki te kaupapa o Para Kore, arā, ko oranga taiao ka whakaatu i te hua o te tirohanga ao Māori me te mahi tahi ki te hapori hei tautoko i ngā kaupapa taiao”, e ai ki te Hēkeretari mō te Taiao, ki a Vicky Robertson.
Para Kore
Manatū Mō Te Taiao
Te Whanganui-a-Tara: He $3 miriona nā te Tahua Pūtea Taiao mā te Hapori ki te kaupapa o Para Kore, arā, ko oranga taiao ka whakaatu i te hua o te tirohanga ao Māori me te mahi tahi ki te hapori hei tautoko i ngā kaupapa taiao”, e ai ki te Hēkeretari mō te Taiao, ki a Vicky Robertson.
“Ka tautoko tēnei pūtea i te kaupapa o Para Kore, arā, ko Whakapapa ki a Papatūānuku, kia nui ake ai te whakaakona o te hōtaka ā-marae e whakapiki ana i te mātauranga me ngā pūkenga o ngā whānau, ngā hapū, me ngā iwi hoki kia whakaheke i te parahanga ki ō rātou rohe.
“Ka whā tau te roa o te kaupapa, ko te whāinga roa ko te whakamana i ngā tāngata ki te whakarite ara whakakore i te parahanga ki ngā hapori – ki tā rātou e whakapae ai. Kia tutuki ai tēnei whāinga ka whāia ko ngā wānanga, te arotake parahanga, te whakatika i ngā mīhini mō te tukurua me te tautoko a te kaiārahi ā haere ake nei.
“He honore ki a mātou ko te mahi tahi ki a Para Kore nō rātou e whakawhānui ake ana i tā rātou mahi whaitake ki ngā hapori maha” tā Vicky Roberston kōrero.
“He koke nui tēnei mō Para Kore. Mā tēnei pūtea ka nui ake tā mātou tautoko i ngā marae me ngā hononga huri noa i Aotearoa kia whakahekehia ā rātou para,” tā te Kaiwhakahaere Matua o Para Kore, tā Jacqui Forbes.
“Mā te tirohanga Māori tō mātou hōtaka mātauranga auaha e whakahaere, ā, ka āwhina ki te whakarerekē i ngā tukanga tuku parahanga rangitahi, tuku parahanga ki wāhi kē, me te tuku para ahumahi e tino whakatūroro ana i te tāngata, i a Papatūānuku anō hoki.
“He mea whakahirahira te tautoko i te tuku mātauranga kia aro pū ki ngā hapori Māori. Ka ngana a Para Kore ki te whakamāori i ngā tikanga a te ao Māori, arā, ko te whakaū i ō tātou hononga ki te taiao me te manaaki hoki i te ao tūroa.
“Ko te tino haumate o te taiao e kainamu ana, ā, me mātua aro ki te mātauranga Māori. Ka mutu, e mōhio ana a Para Kore me aro ki tō mātou whakapapa kia mōhio ai me pēhea te hāpai i ngā haepapa,” te kōrero whakakapi a Jacqui Forbes.
Ko tā te Community Environment Fund he whakamana i te hunga o Aotearoa ki te whakatika ake i te taiao. Ka tautoko i ngā kaupapa e whakapakari ana i te mahi tahi mō te taiao, te whakatipu mōhiotanga mō te taiao, me te akiaki i te tangata kia uru atu ki ngā kaupapa taiao a te hapori.
Nō te tau 2009 ka mahi tahi a Para Kore ki ngā marae ki te whakatipu i ngā tikanga mauroa, hangarua, me te wairākau. Kei ngā marae me ngā hinonga 541 i ngā rohe 17 huri noa i te Ika a Māui, me te Tauihu-o-te-Waka-a-Māui.
Ka tautokona hoki a Para Kore e te pūtea a Te Tahua Whakaheke Para nā te Kāwanatanga.
ENDS
Para Kore
021 043 1127
jacqui@parakore.maori.nz
Ministry for the Environment
Mobile 027 231 6930
media@mfe.govt.nz